Kthehu,por s’të premtoj më dashuri – Sherife Malo Allko

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Kthehu,por s’të premtoj më dashuri
*************
Kthehu në indet e mia
Ngjitu si mishi mbas kockës
Përvëlohu në zjarrin e ethshëm
të trupit tim ,
por s’të premtoj më dashuri .

Kthehu ,arratisje mos të ketë më .
Futu në shtratin tim të ngrohtë ,
Mblidhu sa një grush në gjoksin tim ,
por dashuri s’të premtoj më ..!

Do jenë të ftohta netët ,
deri në përjetësi .
Deri atëherë bota s’do ketë më kuptim ,
Pa të ëmblën dashuri !

Sherife Allko
09.06.2020