Kthehuni dallendyshe ne Atdhe – Bukurie Binjaku
KTHEHUNI DALLËNDYSHE NË ATDHE!
Ikën dallëndyshet, ikën fluturuan
Morën udhën, qiejve shumë larg,
Lanë folenë, që mezi e ndërtuan,
Pikëlluar e kthyer, kokën mbrapë.
Fluturoni ju dallëndyshe në qiell
Përmes reve, me ngjyrë të errët,
Shtegtoni trishtuar, larg Atdheut,
Në shpirt mërgimi, plagë e rëndë.
Kthehuni o dallëndyshe, një ditë
Se fole e vjetër, mbeti e vetmuar,
Në Atdhe me thërrime dheu flori,
Çerdhen e ngrohtë, të rindërtuar.
Sorrat “krra-krra”, ne na shurdhuan
Bilbilat seç na i përzunë, prej qielli,
Por shqiponja, s’mbetet e vetmuar,
Trumë me shqipet, si dritë e Diellit.
Zhgabojat e kanë, ngjyrën të zezë
Aty ku kalojnë, dinë të thumbojnë,
Do kthehen, dallëndyshet përherë,
Shpirt Atdheu, pranverë gjithmonë.
Bukurie Binjaku. 9. 6. 2020. GREQI.