Dehem me jetën… – Rifat Ismaili

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

DEHEM ME JETËN

Humbas e tretem
mes dritash dhe ëndrrash…
Përzihem me njerëz,
të krijuar me grimca
qelqesh dhe ylberesh…

Shëtis nëpër muzgun
krahënderë dallandysheje…
Pi elizirin e vesës
Në lëndinat e heshtjes;
Symbyllura e të përgjumura ,
Mbi sup më mbështeten…

Humbem e tretem
Në vështrim muzash…

Luaj symbyllur me mjegullën
Dehem me jetën…
Në maja pemësh si gjethe
Lë dëshirat dhe veten…

25- 5- 2020