Verë e vjetër dhe vjeshtë! – Avdyl Zeneli

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

VERE E VJETER DHE VJESHTE !

Gjithkund , feston fitimtare vjeshta
Pushtuar e ka qytetin nën shi
Si pijetare , shipikash dhe rrekesh
Frymëzon poetët , të shkruajnë poezi
–
Shtruar e qetë hapsirës të pafund
Në të grinjtë shndërruar qiellin
Furishëm , shkund gjethet nga pemët
Fsheh rrezet dritëngrohta të diellit
–
Përbetim , kjo mbushje shpirtërore
Përmbytje me vargje dhe heshtje
Fluturojnë tufa – tufa shkronjat
Si gjethet e kësaj fundvjeshteje
–
Kjo muzë – muze , që fryn dhe bie
Vargje sjell , të shkruhen në letër
Dehuri , kujtimesh dashurie e vjeshte
Shijon , si një vere e kuqe , e vjetër !