Avitje – Rudina Muharremi Beja

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

AVITJE

Edhe çastet më të vështira,
mbartin me vete premtimin e një agimi
atje ku lulëzojnë të gjithë trëndafilat
mes qiellit çelur emocione ,
veshur me njëmijë petale të kadifenjta,
saksive, ku Zoti mbolli me rrënjë,

Ndërsa rrugës së vjetër,
vazhdojnë të shfaqen kujtime,
zverdhur, si letra të një tjetër epoke,
gjethesh të vdekura nga pema këputur
erës trazuar e pushuar pa shpirt
mbi dheun,
ku jeta avitet drejt muzgut
e pasosur rrënqethjet përtypte…

6/06/2020
Rudina Muharremi Beja