Mbretërimi i dashurisë – Manushaqe Hoxha Laçi

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Mbretërimi i dashurisë

Qeshi qielli kur më the: “Të dua”
natyra mori tjetër shkëlqim.
E gjithë lëndina u lulëzua
vaditur nga ujvarë e shpirtit tim.

Në sytë tanë ndjenjat ndriçuan
vullkan dashurie në zemër shpërthyer.
Yjet e hëna në kratere festuan
me ngadhënjim lumturie mbërthyer.

Rrezet e diellit krahët zgjatuan
përshkuan qelizat e qenies tonë.
Me retë e qiellit kurora u formuan
që dashuria të mbretërojë gjithmonë.