Poezia dhe dashuria! – Avdyl Zeneli

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

POEZIA DHE DASHURIA !

Shpeshherë edhe ndjenjat luajnë
Në principatën e tyre të dashurisë
Imitojnë fletët e shelgut lotues
Lodrat i shkojnë moshës së rinisë
–
Edhe muzat , luajnë shpesh me poetët
Botës së vargjeve , shpirtit të frymëzimit
Diku shfaqen , diku të mërizuara fshihen
Pa harruar , dhe paracaktuar vendtakimet
–
Nga ndjenja brishtësie përbëhen vargjet
Poezia , është si dashuria vetë
Ajo ledhatohet , puthet , mban mëri
Marrëzindjenjëshe , në ankthtakim pret
–
Kështu lodra , grindje , sërish bashkë
Ndodh e rindodh , është mëse e vërtet
Poeti pa muzën , s’shkruan dot vargje
Njerëzit , s’ndihen njerëz pa dashuri në jetë !