Libri i vdekjes – Xhevdet Bajraj

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

LIBRI I VDEKJES

Faqet e Librit të Vdekjes
i shfleton era
e detit të pakripë të kujtesës

Lulet e këputura në emër të dashurisë
para syve tanë
i thanë vetmia

Këngët e zogjve që moti ua harruam emrat
kapen si vathë
për veshët tanë të shurdhër

Brenda mureve të tejdukshëm të ëndrrës
dielli kalbet
si mollë

“Copa ime e qiellit”, KOHA, 2015