Une – Barie Çupi

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

UNË

Të flas o njeri,fytyrë e mundimit,
fjalë lidha sot me besën në gjak,
kalanë qendisa me ashklat e kujtimit,
ngjirur nëpër vite,koha në mëkat.

S’e lëshoj pafajësinë nga lëkura ime,
edhe pse dhimbja më ka zënë shtegun,
gajasem shpërbërë në ngjyrë të përhime,
loti kuturu,derdhur unë pa vdekun.

Një gjuhë në vena,flas unë njerëzore,
xhelozia e ftohtë si rrëpirë e frikshme,
të ec a të ulem me frymën kanunore,
s’kam kohë të mendoj gjëra të mërzitshme.