Lindje dhe vdekje shpirti! – Avdyl Zeneli

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

LINDJE DHE VDEKJE SHPIRTI !

Sa herë është ngjallur e vdekur
Shpirti im , tekmë nuk banon këtu
Fshehur buzëqeshjeve , buzëve të tua
Zhytur , lotëshpeshëve të syve të tu .
–
Mes çastesh , edhe ri e ringjallej
Shtuar si ditë e vitit të brishtë
Buzëqeshja thyente akuj heshtjeje
Lotët , sillnin mjergullëti të trishtë
–
Nuk paska më kohë të dikurëshme
Vite të brishtë , tanimë të harruar
Lotët në sytë e tu , mbase tharë
Buzëqeshjet e reja , diku dhuruar
–
Kështu shpirti im , lindur e vdekur
Pamatshmërisht , ndjenjëdashuruar
Duke lindur e vdekur ky shpirt
Nga mua tek ty mbeti , pa u kuptuar !