Një ditë moj zanë – Zymer H. Haliti

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

NJË DITË MOJ ZANË

Do t’i bie detit mes për mes…
që të takoj ty e bukura e detit
s’di, kam dhe një fije shpresë
se do më presësh skaj kepit…

Edhe në më zëntë nata do vazhdoj…
drejt bregut ku zanat thonë pushojnë
vetëm të di se aty je, e ty do te takoj
të rrahurat e zemrës s’do ndalojnë…

Atje ku je ti thonë se është bukur…
dhe unë do të udhëtoj natë e ditë
dhe në qoftëse diku Ti je strukur…
do të gjej një ditë Ty zanë sydritë.

Dhe nëse fryen erë e madhe,stuhi
mund të më pengojnë në udhëtim
s’do të dorëzohem rrugës për tek ti
e di,Ti je Ajo që trazove shpirtin tim.

Zymer H. Haliti