Qyteti im – Arben Kurteshi

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

QYTETI IM

Era e lule blirit

Përhapet ditëve të verës;

Nëpër rrugë të gjata

Gjer te pragu i derës.

Mbushur trotuaret

Përplot me rini,

Në mes parku i gjelbër

Oh, sa bukuri!

Mbledh qyteti verës

Sa shumë mërgimtarë,

Përqafojnë familjen

Kohë të gjatë s’janë parë.

Shushurima të shtunave

Gjallëri në Pazar,

Fshehtësi ka qyteti

Sa ka qytetarë.