Kur dëgjoj një këngë labe – Theodhori Proko

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

KUR DËGJOJ NJË KËNGË LABE

Kur dëgjoj një këngë labe

Nëpër iso shkrihem, tretem

Ndezur, si qiriu nën flakë

Duke u përvëluar mbetem.

Edhe frymën mbaj i heshtur

Që të thith aromën e saj

Si erë e freskët trëndeline

Kur fryn mëngjeseve në maj.

Atë jehonë dhe gurgullimë

Unë gjithmonë e kam krahasuar

Me Shushicën kur zbret nga malet

Herë e qetë, herë e harbuar.

Kur dëgjoj një këngë labe

Shkrihem, tretem brenda saj

Po për dreq, me zërin tim

As di t’ia marr, as di ta mbaj.