Vendlindja e lënë bosh – Fetah Maliqi

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

VENDLINDJA E LËNË BOSH

Jetë, a të njoh unë ty?

Kur shoh toka, shtëpi

lënë pa askënd,

nuk i futet plugu një are.

Vendlindje, të njoh unë ty?

Toka mbushur varre, rrugë,

dhe krua me ujë,

livadhe me lulë,

nuk investohet të bëhet gjë.

Kullat tona kanë sa plagë!

Krejt humnerë rreth tyre,

nuk nxjerr lot unë sot,

po me grushte nga sytë

qarë në heshtje,

nuk i preket tokës me dorë

balli i dhembjes…!

11.08.20

Hamburg