Lora në Shën Valentin – Asllan Qyqalla

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Lora në Shën Valentin

Lora
Shën Valentini na qepi
hartën e dashurisë
rrugës Egnatia-Naisus
e ne të harruar morëm
aromën e petaleve
në hirin e prushtë
në flashktësinë e shtyrë.

Në siluetën e ëndrrës
ylli fugë mallin shterron
në ndjenjën e pakohë
solli freski moshe
puthjet ne anamal
si Hera në Olimp *
larguan 14 shkurtin
që sonte s`ka mbarim.

Lora
mërdhin në ngrohtësi
“Lan ngashnjehem në përqafim
sonte,
lulet s`i dua
trëndafil të bardhë
të kam në Shën Valentin”!
13 shkurt 2017, në natën e vonë.

Prof. Asllan Qyqalla