Kam me t’dashtë – Vlora Rexhaj

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

KAM MË T’DASHTË

Kam me t’dashtë Ty
Trëndafili im i bardhë

Çel në stinën ma t’brishtë
T’shpirtit tem

Kam me t’dashtë
se përtej andrre
Kam andërru sytë e tu

E me shikimin tanë
Kam shndërrit netët e errëta
Të zemrës tem
Në dimrat e acartë t’vetmisë

Ngjyra ylberesh
Kam vu nurin tand
ndriçum prej afshit tonë

Kam me t’dashtë Ty
Arshi i shpirtit tem
N’erna t’moteve

Kam vu përmallimin tonë t’dashnisë
E tamblinë za n’hoje të shpirtit
t’kam lanë

Kam me t’dashtë ,çmendurisht
kam me t’dashtë

Se ti je dielli jem
e unë rrezja jote e përflakët.

Vlora Rexhaj Morina