Si nje gotë e zbrazur heshtja – Shukrije Gashi
August 2019
Si nje gotë e zbrazur heshtja
pikon pikëllimit ditës që po ikë
pa lënë gjurmë kuptimi hapave
që zvarriten me përtesë sheshit
përcëllues zhytur n’ zhgënjim
Asgje e mirë ndodhi as sot
n’qytetin tim veshur me beton
a varrosur n’llym mashtrimi
plot sy gënjyes n’ panairin
e shundit politik bebëzash zhbiruese
kurdisur për një spot karremi
një teatër imitimi t’varfur mondan
sërish tallen me jetën
me vetëvetën e shikuesit injorantë
turma njerëzish me talamus t’ shkatërruar
qeshin me një gaz trishti hingëllues
e lumturohen me gjasë jo me shkas
Si një rrugicë pa shtigje më ngjanë
ecja pa cak sheshit t’ zhurmshëm e hileqar
pelim i vardisem andrrës për ta mbytur
kotësinë e kohës që m’i ha sekondat
e vlefshëm për rradken që di të mendoj
dhe vuan për braktisjen e lirisë
nga mumjet a t’ çmendurit e lumturimit
mitik fytyra vrarë nga sëmundja
e dembelisë a inati i mendjes varfnjake
e dielli përvëlon kurrizin e djersitur
muzgu n’ pritje luan me durimin tim
kam etje për pak fllad…
Shukrije Gashi