T’harruar në kohë – Nertila Koko

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

T’harruar në kohë.

T’harruar në kët’ shekull jemi,

Sa dhe dekada po na vajton,

Kërkojmë t’buzëqeshim ,

Por veç lot pikojnë,

T’larë me lot po jetojmë,

Sa dhe loti qan me ne.

Fat I keq, a I mirë vallë

po përqafon këtë dynja të zezë?

Në këtë dynja ,

Lakmitari e egosti ushqehet me flori,

E I drejti me tradhti,

Ku e drejta dhe e gabuara

Një iluzion kanë krijuar.

Oh , tmerr e faqe zezë

Ky vend,

Kjo tokë,

Kjo botë,

Në këtë dynja të mallkuar,

Çdokush kërkon t’jetë I verbër,

Por harrojmë se t’gjithë jemi

T’mallkuarit e këtij shekulli,

E shekulli vijon,

E dekada dënon,

E ora ndalon,

E sytë mbyllen.

Nertila Koko