Në ikje – Vlora Rexhaj

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

NË IKJE

Era frynë si me tallaze
Mjegullinat etshëm pinë
pikat e shiut

Shiu i lëngshëm rrjedh
damareve të tokës
Retë bulçasin
në vetëtima verore

Mijëra fletë të rreckosura
të lënduara pa frymë
Mbulojnë trotuaret e pashkelura

Shiu s’ka të ndalur
Pikat s’kanë mëshirë
rrakëllejnë

Bien në teposhtëzat e thyera
E sikur vrasin
Mijëra këmbë në ikje

Mijëra ëndërra të fjetura
Mijëra kristale të ngrira
Në horizontin e sheshtë.

Vlora Rexhaj Morina