Fuqi dashurie – Zoica Gjolla Popi

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Fuqi dashurie
Sa doja që pritja
mos të lodhesh
ulur në prag le të rrijë
me vështrimin zemra mos ndalet
në ritëm me trokun e ri.
Dashuria qënka ajër
në jetë dritën mban
ta shuajë askush nuk mundet
sa shpirti të jetë gjallë.
Të zë ndonjëherë duarlidhur
a ka pranga që e mbajnë?
çdo kafaz hekuri shkrinë
në llavën me zjarrin e saj.