Me ty çdo moment, dashuri – Seit Paci

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

ME TY ÇDO MOMENT ,,DASHURI,,

Të duam çdo moment dashuri
Të deshëm dhe do duam përherë
Të duam dhe në diell apo shi
Të duam në Dimër dhe në verë

Zemrat para teje rrahin fort
Ndoshta kërkojnë nga vendi të shkulen
Vetëm përmes teje ekziston kjo botë
Përpara teje edhe mbretërit përkulen

Shumë mënyra ka për të kënduar
Instrumente melodiozë me shumicë
Por vetëm një mënyrë ka për të dashuruar
Në zemra të mos ketë kurrë ngricë

Të gjitha lulet s’kemi kohë ti numërojmë
Por zemrat të drejtën vetë e kanë
Lulet që gjithmonë do i gëzojnë
Ti zgjedhin vetë në të gjithë dynjanë

Kur themi të duam dashuri
Bërtasim në emër të zemrës që gufon
Fort do bërtasim sa jemi gjallë gjithënji
Se kjo botë me praninë tënde ekziston

,,,,,,,,,,SEIT PACI,,,,,,,,,, 06 SHTATOR 2020