Para teje o dashuri dorëzohen princër e mbretër – Manushaqe Hoxha Laçi

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Para teje o dashuri dorëzohen princër e mbretër.
Hëna shkrihet nga magjepsja hyjnore.
Shatërvanë trëndafilash shpërthejnë në çdo zemër.
Buqeta yjesh formohen me petale lulebore.

Para teje o dashuri përulet qielli me ngadhnjim.
Ulet në gjunjë dielli si nderohet në fron mbreti.
Zemra ndërton folenë me zemrën në migrim.
Dallgët e tërbuara i qetëson oqeani e deti.

Me ty o dashuri nuk ka grindje, luftra e vrasje.
Zhduket mjerimi e varfëria cep më cep në botë.
Pesha e dashurisë nuk ka masë reale.
Kthen në det a oqean dhe një pikë ujë në gotë.