Duam dritë – Ymrije Beqiri

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

DUAM DRITË

Errësirë në këtë natë
Hëna dembele sonte
Nuk na dhuron dritë
S’ e di pse kjo heshtje
Mbretëron në tërë qytetin tim

Rrebeshet e shiut na u kthyen prapshtë
Retë e mbulojnë qiellin
Pse jemi edhe nga ai kaq të urryer
Pse pranojmë ligje të ftohta
Nga mallkimet e kohës
Për të gjithë njerëzit
Në pamundësi për të jetuar

Trandur nga koha e shkuar dhe e tashmja
E s’e di si do t’vijë
e ardhmja
Që po ngadalësohet
në tokën tonë

Pamëshirshëm një lot krokodili
Çdo ditë thua se qan e vajton për këtë popull
Një jetë mashtruese me plot mashtrues

Ymrije Beqiri