Mirë se erdhe! – Manushaqe Hoxha Laçi

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Mirë se erdhe!

Mirë se erdhe në shpirtin tim që dritë kërkonte
kur horizonteve të largëta hidhtte shikimin në kaltërsi.
Më rizgjove ëndrrën që flinte në zhgënjimet e kohës
krahët m’i forcove të fluturoj në hapësirat e një qielli të ri.

Mirë se erdhe o dritë dhe errësirën ma largove
zhytur në mua viteve, thellë kishte ngulur rrënjë.
Më solle bekimin, tjetër univers më dhurove
ku ka ditë me diell dhe natë me yje e hënë.