Ty të zgjodhi – Xheladin Halili

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

TY TË ZGJODHI

Ti je krijesë e dalluar
Që u zgjodhe në pafillimësi,
Të formësuan ty prej dheu
Që të njohësh atë Madhëri!

Kaq të bukur të krijoi
Ty me engjëj të nderoi,
Ai Zot, i Vetmi Krijues
Dhe tokën të nënshtroi!

Kujto kur ata shpirtra
E dhanë besën para Tij,
Se veç Ty t’kemi besuar
O më i Madhi Perendi!

Kur të fali në këtë botë
Të dha shpirt e gjallëri,
Që të jesh pasqyrë mirësie
E të kthehesh në përjetësi!

~Xheladin Halili
Viti, më 29.09.2020