Qeshja në diskun e hënës – Zoica Gjolla Popi

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Qeshja në diskun e hënës

Sa qesha me shpirt
në natën lozonjare
ç’u ngjit kumbimi
lart në diskun e hënës!

Merreni në një të qindtën
e sekondës në kohën tuaj
në momentin e këndshëm
vetëm ngrini kokën lart!

Aq ishte

Ju dollibashë
në avullin e ngrohtë
te përcjelljes së pikes
së parë të rakisë
ashtu çakërqejf…
ngrini dolli
për të qeshurën e diskut të hënës!

Aq ishte!

Se dhe vetë buzët
janë dy disqe hëne
në fjalën e ëmbël
brenda të gjitha dashurive.

Si lum ju
me hënën e qeshur
i gjithë universi
është juaji!

Ç’paskemi për të bërë be
për të qeshurën
e diskut të hënës!