Deri në një çastin tjetër – Skender Berisha

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

DERI NË ÇASTIN TJETËR

Mirë mbeç
moj e mirë
për pak po të lë
pikë në zemër do t’më rish
deri në një çast tjetër

rrugës shkretëtira do të rrëshqasë
sa pak gaz dita do të ketë
sa shpejtë terri do t’më gjej
edhe gjethet do t’më vijnë pas

një zë brenda meje do të kumbojë
pak si në të qarë
pak si me të dridhur
shpejt do të derdhet në mua
do t’më bie sa me të hidhur

edhe qiellit do të ecin zogjtë
si nëpër xham të thyer
s’u kaluakan ditët
me një të kërcyer

fortë e mirë
mbeç si deri dje
mallë pikin strehët
shiu më duket po vjen

8 tetor 2012,Prizren