San Valentino – Alma Mehmeti

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

San Valentino

Kjo festë është të qeshësh fatin,
Në mos të dy, të mbyllësh një sy,
Çifte, kujtoni tërë vitin rehatin,
Nuk është dashurija veç një ditë a dy,

Tashmë konkurencë, lule e dhurata
Portofoli e di seç heq këtë ditë,
Kanë më dashuri puthjet e zjarrta,
Nga perdja në sy, ti grua mos u mërzit,

Mjer burrat, k’të ditë dhuratat dopio,
Dhe sa çudi, për gruan paratë i dhëmbin,
Për vit e njëjta histori, fotokopio,
Lulet vyshken, por as burrin se ke tëndin,

SAN VALENTINON gëzuar,
Me ditën qesharake mos qani,
Ka dhe më keq, dikush që s’është kujtuar,
Ndaj në vazo kristali, lulet freskët mbani.

Alma Mehmeti