Të buzëqesh liqeni – Skender Berisha

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

TË BUZËQESH LIQENI

*Lasgush Poradecit

Fytyrëkaltër edhe i thellë i thellë
sot me nadje sa po të buzëqesh
vjen në fluturim magjik po ai nosit
vjen me gaz sa për pakëz të të çik

mjeshtër i thellësisë së shenjtëruar
që i rri përballë liqerit të valëzuar
po shpaloset këngëtim i pazbuluar
shpirtit tënd shpërthen pa të lotuar

era vjen edhe pakëz t’i trazojë valët
kush m’ia njom buzëzës sate të tharët
shelgje e njoma lotin paska lëshuar
pak me të dredhur e me të vallëzuar

më vonë vonë dritat kanë vezulluar
përmbi fron shkëlqen i panënshtruar
ai mjeshtri i madh që është përjetësuar
po rri krenar përballë liqerit të flakëruar

12 nëntor 2016,Prizren