Më shumë më bën të të dua! – Silvana Cekici Rodi

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Më shumë më bën të të dua !

Më shumë më bën të të dua
kur fillon me nazet e tua
të të prek ,ngadalë afrohem
si një flutur ti largohesh

Më shumë më bën të të dua
kur lundroj në sytë e tua
vështrimi i tyre ,ëndrrat ledhatojnë
mallin e fjetur nga gjumi zgjojnë

Më shumë më bën të të dua
kur flakë ndizen buzët e tua
ndjenja të zjarrta shpirtit burojnë
yjet e qiellit ,tokën mbulojnë

Më shumë më bën të të dua
tinguj zemre ,fjalët e tua
një dëshirë hapësirës dërgoj
ndjenja e dashurisë botës mos shterojë

09.07.2020