Sërish të dua – Hyrije Jusufi
SËRISH TË DUA
Edhe pak ,
Ikën dita e ofrohet nata ime
Ajo që luan me mua
Herë më këndon ninullat më të dashura e herë më torturon akrepat e orës
Po edhe unë e pres dhe e dua
Natën time
E pëlqej lojën me të
Dhe saherë fitimtare dal
Zdergjet në lotë ajo , se buzëqeshjen i vjedh !
Me hënën lidhemi në bast
Kur më sheh më sjell postën në shpirt
Në dritare më falë pak dritë
Sërish të dua !
Më gjej jam fshehur në gërshetin e kujtimeve
Me lotin jam puthur
Në qerpikun tënd i vura litarin dhembjes
Jam në buzëqeshjen tënde
E shkrirë nga vapa
Valës së detit i fala trazirërat
Rrezen e diellit e qepa buzësh
Dua të hudhem në frymën tënde
Në gllënkën e fundit të verës
Për të më shijuar thellë
Në kafenenë e vogël
Në tymin e cigares avulluar
Sërish të dua …!
Hyrije Jusufi
14.10.2020