Tango vjeshte – Pranvera Vera Belba

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Tango vjeshte

Më humbën fjalët s’di se ku
Bashkë me gjethet e kësaj vjeshte
Ikën shtegtuan ndoshta në Malibu
I morën zogjtë që na lanë në heshtje !

Më humbën notat nga pentagrami
Harrova ti kyçja me çelësin sol
Në ajër vërviten ëmbël valë valë
Sinfoni me erën po e kompozojnë

U futa thellë në pyllin e dendur
Nuanca veshtjake më magjeps
Si flutura të arta më fëshfërijnë
Gjethet kërcasin nën këmbë lehtë

I mblodha gërmat dhe gjethet e arta
I vura dy e nga dy në pentagramin e bardhë
Fillova të fërshëlleja e të kompozoja
Një tango të embël fund vjeshte të artë