Ëndrat e natës – Silvana Cekici Rodi

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Ëndrat e natës

Në ëndër më erdhe sërisht këtë natë
Peri e bukur si një shtëjzovalle
Zemra dridhej, digjej flakë
Duart zgjat të të prek ,ti largohesh ikën shpejt

Vështrimi i ëmbël i syve jetën më shton
Me tingujt e zërit dashurinë më zgjon
Në shpirt më solle lulëzimin e pranverës
Edhe pse vjeshta kish rrëzuar gjethet e pemës

Shfaqesh para meje si një xixëllonjë
Shkon e vjen ndjenjat më ngacmon
Në kopshtin e zemrës zë e të kërkoj
Dua të të puth nuk di pse s’guxoj

Më dashurinë time të ujit çdo natë
Si ndonjë i marrë të kërkoj në shtrat
Rrezet e agimit më morën me vete
Ëndrrat e natës u tretën si shkumba ndër dete

S.R.