Dashuri për tokën mëmë – Silvana Cekici Rodi

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Dashuri për tokën mëmë

Që në djep o nëna ime
Këngë më këndojë për Shqipërinë trime
Bashkë me qumështin ti më ushqeve
Dashurinë për këtë vend ku unë kam lerë

Ditët ikën unë u rrita
Besën e burrit të dhashë o nënë
Amanetin se tret dheu
Flamurin kuq e zi ta mbajmë përherë lart

Për këto troje për këtë vatan
Derdhën gjakun të parët tanë
Për lirinë e kombit mbarë
Flamur me shqiponjë në botë na bën krenar

Në trojet arbnore të gjithë festojnë sot
Shqiponja me dy krena e lirë fluturon
Një flamur valvitim,jemi një komb
Emri mëmëdhe të rrojë për jetë e mot

E mira nëna ime gjithmonë të kujtoj
Dashuria për tokën mëmë në zemër më buron
Edhe pse larg shpërndarë nëpër botë
Shpirti dhe zemra këndojnë për këtë tokë

28.11.2020
S.R