Ti je më i bukuri i dheut – Asllan Miftari
TI JE MË I BUKURI I DHEUT
Valë – valë
Të valvit era
Valët e tua
Ngrihen si skiftera !
Mblidhen dhe të puthin
Trima luftëtarë
Mblidhen e të nderojnë
I gjithë kombi mbarë !
Valët e tua
Valviten kuq e zi
Anë e mbanë bota
Ty të kanë zili !
Mblidhen për rreth teje
Të rinj e të reja
Valvisin e brohorasin !
Siç shkreptin e gjëmon rrufeja !
Mblidhen për rreth teje
Me zemër të urojnë
Shqiponjën dy krenare
Duan të bekojnë !
Fuqishëm thërrasin,
Ngrihuni nga varri !
Ngrihuni Isa Boletinë…!
Ngrihu Ismail Qemali !
Ngrihuni Bajram Currë….!
Ngrihuni, të gjithë Ju heronj nga varri !
Ju pret legjendari i Kosovës !
Bacë Adem Jashari !
Ngrihuni nga varri, sëbashku të festojmë
Me mall të përqafohemi, të ngremë nga një gotë
Dhuratën më të madhe
E sollët Ju në këtë botë !
Ngrihuni Ju heronj hymnin të këndojmë
Ngrihuni të kujtojmë të bukurin e dheut
Ngrihuni heronj legjendarë !
Ngrihuni e ejani, Ju o nipat e Skënderbeut !
.
Gëzuar ditën e festës së flamurit të nderuar miq !
Zoti e bekoftë 28 nëntorin !
.
Copyright@Asllan Miftari
Tirana – Albania🇦🇱
28 nëntor 2020