Qielli blu… – Sehit Beluli

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Qielli blu…

Kaltërsi mbi qiej ku Zoti mbretëron.
Çiltërsi që rrjedh prej vet ngjyrës blu.
Nëpër Universin rreze Dielli lëshon.
Dashuri që ngroh aty ngrohem dhe unë.

Blu dhe vetëm blu e tek bluja falesh.
Zanë mali zbritur detit përtej horizontesh.
Kërkon të shpërthesh e kurrë nuk ndalesh.
Ëngjëllushe je e për Ëngjëll më lodhesh.

Përtej kontinenteve ngjizur dashuria.
Drithërima që nuk i shuan as oqeani.
Trupi dridhet e zëri këngë e melodia.
Dashuri e emocione më të forta se vullkani.

Vullkan ndjenjash rrembyer zemrat.
E zemrat rrahin fuqishem papushim.
Perzier llava nëpër dy emrat.
Te falemi Ty o i dashur Zoti im.

▪ copyright rezerved Sehit Beluli dt- 05/12/2020 Vlore Albania