Mosha e pasqyrës – Eshtem Graci

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

MOSHA E PASQYRES

Moj pasqyrë e dashur
Sa më ke munguar.
Pas rinis së hershme
Rrallë jemi takuar.

Të shoh, e më sheh,
Ej kush ka ndryshuar,
Ti je plasaritur
A unë jam verbuar?!

Të shikoj ca rrudha,
Vallë nga lagështia…
Janë rrudhat e tua,
A rrudhat e mia.

Ca fije te bardha
S’e di pse mi shtove
E ‘h pasqyrë e bukur
Sa mu vjetërve.

E bukura pasqyrë
Që s’ta fal një qime
Ti në të vërtet
Tregon moshën time