Një drithërimë – Skender Berisha

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

NJË DRITHËRIMË

Sa pak ndejtëm bashkë
Sa shumë u deshëm
E pak ishte pak

Edhe sivjet shtegëtuan stinët
Për t’u kthyer prapë
A do t’më huq ky varg

Sa shumë u deshëm
E kurrë më s’u teshëm

Ti je gjithkah ku bredh unë
Udhë e pa udhë
Veç në vargun tim hyn
Në mëngjes e në muzg

Më buzëqesh çdo ditë
Sa shumë zgjat
E larg edhe ngat

Sa u deshëm sa shumë
E nuk e thonim kurrë
Diçka më thehet te ky shpirt
Çdo të martë e të mërkurë

Sa larg e sa ngat
Ky fund që më përhumb

26 dhjetor 2020