Labe sy jeshile – Vladimir Danaj

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

LABE SY JESHILE

Labe sy jeshile ,
Që të rriti nëna ,
Bukuria jote ,
Si djelli si hëna .

Gërshetat mbi supe ,
Nepërka me pika ,
Trëndelin e malit ,
Që kur zbardhë dita .

Sy jeshilja labe ,
Si dallga mbi det ,
Fluturo hap krahët ,
Dimrit dhe në verë .

Lulja në lëndinë ,
Me degët e njoma ,
Kur u mungon ti ,
U ikën aroma .

Thëllëzat në mal ,
S’këndojnë si më parë ,
Të presin të kthehesh ,
Zërin ua ke marrë .

Ti moj sy jeshile ,
Bijë nga Labëria ,
Ku shkel këmba jote ,
Mbin dhe bukuria .

Të pret vatra mëmë ,
Zemër Labëria ,
Presin ato vënde ,
Perlë nga bukuria .

Vladimir Danaj 16/01/2021