Nata – Skender Berisha

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

NATA

Ç’po më nget nata
Me këmbët e gjata
Prej Dardanie
Deri te Arasta

Krejt i përfshiu
Aspak nuk ngriu
Një lëmsh ma hodhi
Një lëmsh prej terri

Në pritë më doli
E shpatën përvoli
As nuk denjoi për mua
Kur brodhi nëpër përrua

Një ecje e ftohtë pa përtezë
Kaploi këtë qytezë
Sa rëndë rëndë shtrëngoi
Rrapin e vjetër ma zezoi

19 janar 2021