Botë e përlotur… – Asllan Miftari
Botë e përlotur…..( 4 )
Përsëri e ftohtë është bota e ngrin “acar”
Janë sosur durimet e nuk ndalen fluturimet
Përmbi hapësirë qiellore, vërshojnë pëllumbët lajmëtarë !
ZOTIN duan të takojnë !
Ti përulen në gjunjë…
E me rrjedhë loti t’ i thonë `
I MADHI i Gjithësisë..!
Në tokë janë shkelur të drejtat e njerëzisë !
Atje botës i kanë vënë flakë
Ujërat i kanë nxjerrë nga të vetët shtratë !
Atje e shtrembura ka marrë Dhenë
E liderët e saj….vetëm “flenë…flenë…flenë..”!
I MADHI i Gjithësisë..!
Atje është rritur niveli i ligësisë
Atje dhunohen të mitur fëmijë
Atje vriten nëna me foshnje në gji !
Atje ka vetëm dhunë…dhunë…dhunë..
Paqja është prangosur me zinxhirë
E lotët rrjedhin lumë…lumë…lumë..!
Atje fjalës së lirë i kanë vënë fre
E urrejtja është lëshuar mbi Dhe !
Ngado u endëm nëpër botë
Pamë vetëm lotë…lotë…lotë..!
I MADHI i Gjithësisë !
Atje fundi i duhet vënë padrejtësisë
E liderët ti përulen ligjshmërisë !
I MADHI i Gjithësisë !
Njerëzia është me sy nga JU
E kërkon dorën TUAJ të drejtësisë !
Lutemi :
-Dhunës vini fre !
Lutemi :
-Lëshoni qetësi e paqe mbi Dhe !
.
Copyright@Asllan Miftari
Tirana – Albania
19 shkurt 2019