Për këngë labe – Fatmira Lazaj Milori

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Për këngë labe

Sorkadhe , po , pse s’më thua ?
Ditën , kur do vish në krua ,
Më bëj pllak , e shkel mbi mua ,
Moj fustan -gjata , mbi thua !

Më je mbyllur në zagua ,
Kërkon shteg , e nuk gjën krua ,
Moj nurja , kur tutje ikën ,
Del një re , të mbulon dritën !

Eja , më , hënë një natë ,
Moj sorkadhja çapë gjatë
Nuk kam gjumë e s’bëj rehat
Le të vdes dhe ndënë pllakë!

Sorkadhja , që heq në valle
Kënga në cule dyjare ,
Burratë , kënga në buzë ,
Bukuri që s’humbet kurrë !