Thërrime malli – Landri Xhemalaj
Thërrime malli
Fryu kjo erë e bregut mbi valë kaltëroshe
Detin blu të errët,sikur përkëdhel
Ç’mu zgjuan kujtimet vajzë bukuroshe
Ato më të vjetrat , fshehur diku thellë
Më kujtoi shkëmbin me stërkala vale
Atje diku fshehur rrinim ne të dy
Unë djaloshar e ti lozonjare
Dhe sa shume që flisnim ,shiheshim në sy
Thellë në sytë e tu, veten t’ime shihja
Veçse shumë i vogël ,dukesha aty
Sa herë më buzëqeshje ,thellë në zemër hyje
Dhe sa shpesh më thoshe,jam në sytë e tu
Buzët më nuk flisnin, fjalët qenë mbaruar
Qiellit të zhuritur ishim diku lartë
Dëshirat i shprehnim,yjesh të shkrumbuar
Sa të tjerë u shkrinë, zjarrit të pamatë
Tik-taket e zemrës kishin ndezur zjarrin
Ne as që e ndjenim ftomën e acartë
Mbi flokët e tua,seç e derdha mallin
Dhe ti mallin tënd mbi buzë e mbi qafë
Kjo puhizë e detit më çoi shumë larg
Me mall jam ngarkuar edhe shumë kujtime
Që të mos humbisnin,sot i lidha varg
Me mundim i mblodha, thërrime-thërrime
Leandro Xhemali
Vlorë 13/04/2021