Nën diellin tim – Valbona R. Hadri

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Nën diellin tim

Jam dalë në rreze nusesh
Ngjitur murit shtëpisë së babait
Shikoj qiellin me qëndizma drite.

Natyrisht, shikoj dhe Kumbullën
Ajo kishte veshur fustanin prej lulesh
Këmbë e krye, ato degë krah lulesh
Nuse mbuluar me vello pikash të spërkatura gjithë aromë behari.

Pikat e bardha në të verdhemen
Më kujtonin një kohë të ikur në mua
Një dritë vije që vinte pas meje e kotur.

Drita e bardhë krehte flokun e nuses
Plot lule të derdhura puthitur në mua.

01.05.2021
Valbona R.Hadri