Në filtrat e shpirtit – Rrahim Billa
Në filtrat e shpirtit
Në filtrat e shpirtit , vargu filtruar
Porsi pikë vesë e si pikë loti
Që vargu të mos bëhet i harruar
Që vargut , kurrë t’mos i vijë morti
Nëse ju vargje , s’e keni fteskinë
Nëse ju zhuriti pakëz shpirt i djegur
Freski ju jap nga lulet në lëndinë
E të mos vdisni , shpirti ju ka pjekur
Nëse ju vargje , sa duhet nuk shkëlqeni
Prej yjeve shkëlqim , unë do të marr
Shkëlqimi mos humbë , kudo të veni
Të me ngjallni , kur unë të jem në varr
E nëse keni , shijen pak të hidhur
Ndoshta njerëzit , kështu nuk ju duan
Kujtoj…buka shpesh në fyt është lidhur
Një çikëz helm morën , kur u filtruan
Më thoni ju lutem , ç’të bënte tjetër
Nga helmet e jetës , shpirti i dërmuar
T’a ndante me ju , si me miq të vjetër
Apo prej tij , të vdiste i helmuar.
Rrahim Billa / Albania
Shkëputur nga libri
” Thërrime Diamanti “