Të gjithë bashkë, mundemi… – Rrahim Billa
Të gjithë bashkë , mundemi…
Vallë për çfarë arritjesh , aq shumë po flet bota sot?!…
Kur në miliona fëmijë , po shikojmë trishtim e lot.
Miliona fëmijë të uritur…pa darkë ulen të flejnë.
Peshën e varfërisë , mbi shpatullat e tyre të njoma…e ndjejnë.
Shpatullat e tyre…si petale lulesh , në lulëzim.
S’mund të mbajnë…atë peshë sfilitëse e mjerim.
Në heshtje të plotë , bota…fare nuk bën zë.
Sikur flitet për të tjera planete…sikur s’ka ndodhur asgjë.
Ndërsa miliarderët…mbi fatkeqësinë e tyre vallëzojnë të shfrenuar.
Plënca që mezi lëvizin , si një rrokullisje e përçudnuar.
E nëse , sistemi botëror…plëncmëdhenjët
ka sponsorizuar.
Le ta shëmbim në themel…llumin për ta pastruar.
Kur i shoh engjëjt me lot në sy…shpirti më dhëmb.
Shkaktarët pa mëshirë , për tokë dua t’i shëmb.
Ata engjëj…janë e nesërmja , për njerëzimin.
Përse…në atë moshë , të përballen me vuajtjet e mjerimin.
Të shijojmë buzëqeshjet e fëmijëve , fytyrat t’u shëndritin.
Se lotët e tyre , janë oqean…që botën e përmbytin.
Të gjithë bashkë mundemi , këtë plagë për ta shëruar.
Fëmijët në të gjithë botën , të rriten të lumturuar.
13 / 4 / 2021
Rrahim Billa / Albania
(Të gjitha të drejtat e autorit
janë të rezervuara)