Nuk të jap – Skender Berisha

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Nuk të jap

As për bukurinë e natës së sontme
nuk të jap
dita tjetër ma luan syrin
po niset me vrap
një fshehtësi e turbullt nisi dhe u shfaq
po të ndiej diku aty je tash
më ndien a s’më ndien unë kam gaz
pres davaritjen dhe kaq
kur shprishet terri
ti do t’ia behësh sakaq
ke një konak në krahët e mi
pastaj s’të them gjë
duart enden kah duan
aty e këndej praptohet gjithçka
nuk është më si ishte njëherë
përditë çilet një tjetër derë
unë të shoh nëpër terr
nuk të jap moj as këtë verë

24 qershor 2015,Prizren