Burrat nga stani (Satirike) – Sevdail Hyseni

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Satirike

Burrat nga stani
(Versioni 2)

-Fër-fër-fër po bënë fustani,
Kur na vijnë burrat nga Stani,
N’ballë t’oxhakut vlon kusia
Me gëzim mbushet shtëpia!

Vlon kazani në oxhak
Jo për t’zier kaçamak,
Por për qejf e dashuri
Se lejleku nuk sjell fëmi’!

Eh, ç’na ishte kohë e artë,
Si për burra dhe për gratë,
Ndonëse kishte halle shumë
Gjendej kohë për ato punë !

Kurse tani o miqtë e mi
Prej se hymë në pandemi,
Me këto veset e shoqërisë
S’ka detyra të shtëpisë!

Shkon e vjen një kohë tjetër
Që se ka shijen e vjetër,
Me shumë pika lumturie
Pa “ndërskamca” dashurie!

Fër-fër-fër s’po bënë fustani,
Na mungojnë burrat nga Stani,
Kanë zënë vend në Qeveri
Nuk kanë kohë për dashuri !

Spica Metalike
(Karikatura marrë nga interneti)