Kur thehet heshtja si krandja – Skender Berisha

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Kur thehet heshtja si krandja

Heshtjen e urreva në krejt përmasën e vet
s’e desha asnjëherë për këtë jetë
gjithëherë brinjtë ia theva
ku e hasa e grreva bre e greva

dua përzemërsisht t’ju nxit t’ju nxit
të gjithëve ku zhurmon jetë e vërtetë
të matemi fort këtë blerim t’mos e rrëxojme
për të gjithë ky qiell është i kaltër njëlloj

një gugu një cicërrimë e njomë le t’na gazmojë
unë nuk do të ndalem gjithësesi do t’ju ftoj
kur të afrohemi edhe pakëz zhurmë do të shtoj
në breg të Drinit edhe një verë më duket se shkoi

tash vala valën e pret të shihni sa përzemërsisht
mos mendoni fort se e a përqaf gegërisht a toskërisht
në tokën tonë bukanike më shumë dashuri mike
kur të dalim e ta takojmë vjeshtën verdhanike

28 gusht 2016,Prizren