Nuk di të shkruajë për dashurinë…! – Perparim Dida

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Nuk di të shkruajë për dashurinë…!

Nuk di t’shkruajë bukur për dashuri,
se me gjithë shpirtin dashuri dhash.
Dashuri pa kufi, gruan e fëmijt e mi,
dhe qejfe të tjera nuk shijova aspak.

Ndoshta të egër m’quajtën ca femra,
pse eca rrugës time e sytë ua hodha.
Renda në çerdhen ku ishte dashuria,
e dashuritë e mia në sofër i mblodha.

Vetëm për një dashuri bukur shkruajë,
shkruan zemra për ndjenjën e madhe.
Për dashuritë e tjera mbeta një i huaj,
ato t’lënë një ditë në rrugën e madhe.

Ju mos më quani mua poet dështak,
nuk shkruajë për famë s’kam xhelozi.
I shkruajë jetës time ,nuk jam cmirak,
pse shkruajti më bukur për dashuri ai.
P@Dida.